النظام

أنا اعرف عيون ..تخاف الظلام !
وباعرف قلوب ..تخاف الغرام!!
لكن فى بلادنا...نظامنا يحاول,
يعلم ولادنا ...يخافوا الكلام!!!!
لكن مهما حاولوا.,مجرد محاولة!!
دالو لفوا فينا... يموتوا فى جولة..
ومهما يطوّل ظلم النظام دا ...........
مسيرنا نأسّس للعدل دولة .
هبة بلال

رسالة للمجلس العسكرى

عللّى فى سجنى... وحطنى ورا ألف سور.. مش من حديد!
اسجن خيالى ف-قمقمك ,وارميه...بعيد
احكم قيودك عاللّى فاضل من سنين عمرى الزهيد
امنعنى احس بأنى نفسى انى احلم......من جديد
اقفل شبابيك الأمل ,واكسر دماغ حلمى العنيد....
اكسر جناح طيرى اللّى ساجنه جوا منّى,لينطلق ويروح ...بعيد
يا صاحب العقل الرشيد,
حاسب عشان فى ضوء بسيط جاى من هناك..
روح موتّه ....اعفى عليه..خليك شديد
اقتل بايدك بسمتى..وامحى ملامح فرحتى ...
من قلب عاش يحلم.... بعيد
قلبى اللى شال الحب فيه..ما بيتهزمشى من عبيد!!
شوف قلب تانى تهزمه ....،يا صاحب القلب الحديد!
وابقى استفز الصبر فينا  من جديد.
هبه بلال

العسكرى

يا عسكرى ياللى هناك ......كانت حياتنا زمان فداك.
كنا نشيلك عالكتاف.... والكل يهتف للبطل أجدع هتاف.
لكن ايديك ........غرقت خلاص فى دمنا والكل شاف.
يا عسكرى ياللى هناك... مابقتش فى عنيا الملاك!!!
يا عسكرى كنا نشيلك عالرؤوس ...
دوس عاللى فاضل منى دوس
دوس عالقلوب الطاهره دى بضغطة زناد,
واحرق قلوبنا عاللى فاضل م الولاد,
سلم على وشوشنا بايديك.. علشان نطيع..
عرينا قدام الجميع..........?!!!!!!!!!!!
دوس عالوشوش الطيبة دى بالمداس ....
يا عسكرى الكل زيك ابن ناس
يا ابو السلاح ميرى جبان.,... ما اقدرش أقول يا عسكرى والله زمان
كان السلاح دازمان بيحمى ارضنا ....
دلوقتى بيبات الرصاص فى قلبنا!!!
مين علمك ..تقطف ورودنا م-العيدان??
مين علمك.. تقتل شبابنا فى الميدان??
يا عسكرى مش برضه كنا اخوات زمان؟؟؟؟!!
                                                        هبة بلال

حيرة

يا ولدى يدى اشتكت ....م الدق عالأبواب.
..وعنيا يا ما بكت عاللى يشوفوا عذاب
وألف ياما سنين عاللى نسوا العايشين
وفى الفلوس غارقين ....أسأل عن الأسباب
عن كل قرش اتسرق.. عن كل قلب اتحرق
.. عن كل عين دمعت لمفارقة الأحباب
عن كل عيل بكى...كل مظلوم شكى. ..
عن كل سارق زكا خد من فلوسنا ما ساب
 عن كل حلو اختفى.....عن كل نور انطفى.....
وعن الدفا والوفا اللى تركنا وغاب
وبعد طول رحلتى.. وبعد طول شكوتى...
.لا لقيت لدائنا شفا ولا لسؤالى....جواب
هبة بلال

يا خالى البال

يا خالى البال جفاك طول
ومهما اراضيك بتتدلل ولا بتسأل..وقلبى بشوقه يتذلل
ويتدلل عليه قلبك أوى ويتقل
ويتذلل وتتدلل ويندهلك بتتملل
واحايل فيك أقول يمكن قساوة قلبة تتبدل
وقلبه يحن من تانى ويتعدل
لكن بلقاك بتقسى اكتر من الاول
يا خالى البال جفاك طول
وانا مليت من الهجران وم القسوة وم الآحزان
ومليت الهوى كله بنوره وناره وبذله
يا خالى البال جفاك طول وانا مليت من الهجران 
وأنا لازم اعود قلبى عالأحزان...
هبة بلال.

بحلم

سا عات بحلم ..أكون نجمة بتهدى التايه الحيران 
ونقطة مطرة بتروى..وكلمة حق بتدوى ..وزهرة عطرها يعطر ورود بستان
وباحلم أكون طريق ممدود.. وأكون مركب وفوق منها شراع مفرود
وباحلم أكون حاجات ياما..وأفوق من كل أحلامى.....أعود انسان!!

الكل بان

يا وطن... الكل بان
اللى صان طول عمره وطنه... واللى خان.
اللى قال....... للظلم لآه والجبان.
اللى بايع عرض وطنه والقضية من زمان.
نبض ثورتنا ينادى ........أه يا كل الديوسين.
داروا كل وشوشكوا عنا ....وشكم بقى شئ ...لعين.
                                     هبة بلال

يا شهيد النصر قرب مش بعيد!!
وبكره نبنى مجدنا هنا من ضيا الفجر الجديد
ونعيد بقى النبض اللى تاه........
أصل فى بلادنا يا سادة الظلم واصل منتهاه!!!
                 هبة بلال

ما جئت ...........................سفاحا

اليوم جدير يا امى ان يصبح اسمى مصرى ......
   ان يصبح لونى قمحى.........
اليوم سيدرك فرعون, انى ما كنت لاخذلك..
  وبان رسالاتى اليه ما كانت هزلا ومزاحا..
 وبان نداءاتى عليه, ماكانت محض سخافات ....
...وخرافات..... وزوابع هشه.......ونباحا
اليوم شعرت بانى ابنك......وبانى ماجئت سفاحا.
                   هبة بلال