وفارد روحي كالعصفور
وحلمي في الفؤاد مبدور
بيتشعبط فى آخر نور
بيتسرسب من السرداب
يمد الخطوة متلهف
فيتعثر على الأعتاب
فيشهق قلبى ويسمي
يمد إيديه لإيد حلمى
يقول له عاود الكرّة
خسارة الروح أكيد مُرة
ولجل الصورة تبقى أوضح
مفيش مكسور بيتصلح
زمان الجنيات روّح
وخلصت معجزات موسى
واذا غاب الايمان عنك
هتفضل صورة معكوسة
بها طلة من التشويش
لذا عافر وزوّد خطوتك سافر
وتبت فيا عالآخر
وما تخونيش.
هبة بلال
