استفتِ قلبك بين باطل وبين قاتل
بين اللى بيكفرك بين اللى بيماطل
استفتى آلامك..ورقك وأقلامك
لو بعت أحلامك راح يبقى ايه فاضل
استفتِ قلب شهيد فى مجلس الوزرا
كان صلى فى السيدة أو صلى للعدرا
استفتِ ماسبيرو واللى فدى غيره
وابو الشهيد اللى فارق من الحسرة
استفتِ قلب جميع السجنا فى الحربي
استفتِ قلب حزين شايل ومتعبي
استفتِ مكلومة صابرة ومحرومة
م_القهر مهزومة والجانى مستغبي
استفتِ كل نهار يتمنى يوم يطلع
اما ضياه يتسجن أو ليل غميق يرجع
يجي الجواب صرخة من كل قلب عليل
تشق ظلم الليل.....والكل راح يسمع
من بعد ظلم وويل... الفجر راح يطلع.
هبة بلال
بين اللى بيكفرك بين اللى بيماطل
استفتى آلامك..ورقك وأقلامك
لو بعت أحلامك راح يبقى ايه فاضل
استفتِ قلب شهيد فى مجلس الوزرا
كان صلى فى السيدة أو صلى للعدرا
استفتِ ماسبيرو واللى فدى غيره
وابو الشهيد اللى فارق من الحسرة
استفتِ قلب جميع السجنا فى الحربي
استفتِ قلب حزين شايل ومتعبي
استفتِ مكلومة صابرة ومحرومة
م_القهر مهزومة والجانى مستغبي
استفتِ كل نهار يتمنى يوم يطلع
اما ضياه يتسجن أو ليل غميق يرجع
يجي الجواب صرخة من كل قلب عليل
تشق ظلم الليل.....والكل راح يسمع
من بعد ظلم وويل... الفجر راح يطلع.
هبة بلال
توقفتي يا هبه عن الكتابه. اتمنى ان يكون خيرا وراء ذلك
ردحذفعزيزى فارس اسفه انى اتاخرت فى الرد انا لم اتوقف عن الكتابة ولكن مقصرة فى حق المدونه عشان البيج اللى عالفيس ياريت تدخل تشوفها اسمها همس المشاعر (للشاعرة هبة بلال)
حذفان شاء مش هقصر تانى مع تمنياتى بالتوفيق وجزيل الشكر على السؤال