تشوف الصورة من بره
تلاقى جمالها بالألوان
ولما تقرب الخطوة
تدقق فى الوشوش أكتر
تلاقى الصورة تتغير
فى لحظة والبشاعة تبان
ويظهر فيها شرخ كبير
فتستغرب من التغيير
وما نتاش فاهم
إن العيب ماهوش فى ازاز
وإن عينيك خدعها يدوب جمال برواز
فما تبصش من الخارج
وبص بقلبك الرايق
وما تبصش على الألوان
فتيجى ف يوم وتضايق
تمعن بس فى الصورة
يجوز تلقاها مكسورة
وبتدارى الكسور برتوش
فخلى القلب يتمهل ويتجرأ وما يهموش
دا قالوا زمان فى أسطورة
لا لازمك حاجة مكسورة
ولا يزينك قميص منتوش.
هبة بلال
تلاقى جمالها بالألوان
ولما تقرب الخطوة
تدقق فى الوشوش أكتر
تلاقى الصورة تتغير
فى لحظة والبشاعة تبان
ويظهر فيها شرخ كبير
فتستغرب من التغيير
وما نتاش فاهم
إن العيب ماهوش فى ازاز
وإن عينيك خدعها يدوب جمال برواز
فما تبصش من الخارج
وبص بقلبك الرايق
وما تبصش على الألوان
فتيجى ف يوم وتضايق
تمعن بس فى الصورة
يجوز تلقاها مكسورة
وبتدارى الكسور برتوش
فخلى القلب يتمهل ويتجرأ وما يهموش
دا قالوا زمان فى أسطورة
لا لازمك حاجة مكسورة
ولا يزينك قميص منتوش.
هبة بلال