اخوان منافقون(بقلم هبة بلال)

أنتوا ايه غير ألف جاهل ...جوا توب العلم بانوا ألف عالم ..
ألف عقل بدون معالم..
ألف فتوى فى النخاسة والطهارة والنجاسة...
واما نوصل عند ساسة وحكم فى رد المظالم ..
تصبحوا ألفين حَمَلْ رغم النياب ..
يصبح المظلوم غنيمة من الغنايم..!!
أنتوا ايه غيرألف حالة وألف وش وألف لون..
ألف ليل من غير ملامح أو عيون ..
ألف كذبة ستفوها ..بالكراسى كتفوها ..
ألف كلمة بألف حرف مشكلينه...بالسكون..
واما حاولوا يحذفوها ..صابها فى لحظة الجنون..
أنتوا ايه غير ألف شرع وألف ملة وألف دين..
بير نفاق والكذب علّم فى الجبين..
ألف درس بجد مر..ألف ليل على كل حر..
ألف وهم معيشينا فيه سنين...
أنتوا ايه غير ألف سكة ..وكل سكة بألف فخ ...
ألف تعبان عالرقاب لفوا وبخوا السم بخ...
تقلعوا توب الدناءة..ترسموا طيبة و براءة..
تلعبوا دور الصداقة ...أو محبة ..أو جراءة..
الحقيقة كلكم فى الأصل مسخ..................
هبة بلال.