سبع الليل

دمع الوطن مسفوح سايل على خدّى
قلب الوطن مدبوح مش غيمة هتعدّى
والأرض مكسوفة بتدارى فى جسدى
   دمعى على خدها ضيّع ملامحها
واللى خرس صرختى دمعة ف عيون ولدى 
خبينى ف احضانك يا أرض واتهدّى
     ضهرى ما هوش مسنود  
والوش داب سلامات وانا برضه على قدى
وانت يا سبع الليل يا ابو النسور مية
عرى الجسد م التوب انا روحى مكسية
  مشينى بالمقلوب واسحل بوحشية
وامّا الحقيقة تبان ...
هاتنى أقول البيه كان قصده يحمينى
والصورة بالألوان خداعة يا عينى
أنا اللى ميت غلطان والفجر مالينى
  بيدى أنا اتعريت..
 واما سعادة البيه قرر يغطينى 
  ما سألش عن دينى.
هبة بلال