وداع

محتاجه أبعد حبتين
يمكن يموت فيا الحنين
واوشم على خد السنين
كلمة وداع
يا عمر عدى وقلب ضاع
بعد اللى كان مستنيين
 ايه م اللى باع
متشعبطة فرحتكوا ليه
 فى باب هواه
سيبوا ايديكم فى الهوا
واقعوا سوا
وتعالوا اقفولى انتباه
ولملموا خيوط الوجع
مانتوش بجع
علشان صراخ موتكم يفيض ويسمّعه
اوعوا البكا
أنا عمر عينى ما دمعوا
على أى شئ منى يضيع
واتعلموا
إن اللى بيبيع يستطيع
فعل جميع ما يشتهى
واتعلموا ان الحياة
مش بعد حد بتنتهى .