غربة

كلنا ..عايشين فى غربة..وف-بلادنا الغربة صعبة ..
كلنا ساكنين ؛فى خوفنا ..وف-بلادنا القهر محاوطنا ولاففنا..
لو نخطى كدا يدوب ..على أد شوفنا..
رغم خيرنا.........الا انه سارقه غيرنا..
واحنا ما بنملكش حاجة تبل جوفنا..
حتى صمنا عن كلامنا ..رغم انا مظلومين..
رغم ان الحق قايل(مين سكت عالحق متشيطن لعين..)
ليه بنرجع تانى نسأل؛ ذنبنا، أم ذنب مين؟.. 
ذنب خوفنا؟ ولاّ دى هىّ ظروفنا؟..
ذنبنا أم ذنب مين؟.. ليه نعيش مستسلمين؟..
احنا عايشين فى البلد نزرع..نخضر..
ترتوى الأرض بعرقنا ..وبدمانا يتولد الزرع الأخضر..
واحنا اللى من بشاشة وشنا الفجر نوّر..
والأشاوس جم وسلبوا الفجر نوره ..
سفكوا دمعى قلعوا زرعى من جدوره..
سرقوا بلدى ..لم يخلّوا حتى حتة من صخوره..
وادى حالنا فى البلد دى.. الكبير دايما بيكبر..
والصغير تحت رجلين الأباطرة يصغر أكتر..
بس مهما الظلم يكبر.. برده ربك عالكبير اكبر.. وأكبر.
 هبة بلال.